अवैध गुरांची वाहतूक, ५ बैलांची सुटका
मुक्ताईनगर, मंडे टु मंडे न्युज प्रतीनिधी l अवैधपणे गुरांची वाहतूक करणारे पिकअप वाहन मुक्ताईनगर तालुक्यातील पूर्णाड फाट्याजवळ मुक्ताईनगर पोलिसांनी पकडले या पिकअप मध्ये ५ बैलांची वाहतूक होत असल्याचे निदर्शनास आले असून त्यांची सुटका करण्यात आली आहे.
मिळालेल्या माहिती नुसार, पूर्णाड फाट्याजवळ अवैधपणे पिकप वाहनांमधून गुरांची वाहतूक होत असल्याचे माहिती मुक्ताईनगर पोलिसांना मिळाली. त्यानुसार पथकाने १२ जून बुधवार रोजी सकाळी ५ वाजता सापळा रचून गाडी थांबवण्यात आली असता या वाहनाची तपासणी केली असता त्या वाहनातून ५ बैलांची सुटका करण्यात आली.
याबाबत चालकाजवळ विचारणा केली असता चालकाकडे वाहतुकीचा कोणताही परवाना नव्हता.५ बैलांना एकाच पिकअप गाडीत दाटादुटीने कोंबण्यात आले होते व चारापाण्याची कुठलीही सोय न करता यांची वाहतूक होत असल्याने याप्रकरणी मुक्ताईनगर पोलीस ठाण्यात एकावर गुन्हा दाखल करण्यात आला आहे.
