बैलांची अवैध वाहतूक, ४ बैलांची सुटका, दोघांना अटक
जामनेर, मंडे टू मंडे न्युज नेटवर्क l पीकअप वाहनातून अवैध पणें वाहतूक करणाऱ्या वाहनावर जामनेर तालुक्यातील पाळधी गावाजवळ भवानी फाट्यासमोरील रस्त्यावर जामनेर पोलिसांनी कारवाई करत ४ बैलांची सुटका केली.
मिळालेली अधिक माहिती अशी की, मंगळवारी २३ जुलै रोजी सकाळी १० वाजेच्या सुमारास जामनेर तालुक्यातील पाळधी गावाजवळील भवानी फाटानजीक पिकअप वाहन क्रमांक – एमएच २१ बीएच ५२९२ हे वाहन अडवले त्याची तपासणी केली असता त्या मधून चार बैलांची अवैधपणे वाहतूक करीत असल्याचे निदर्शनास आले. वाहनात चार बैलांना मानेला दोरीने घट्ट बांधून कोंबलेल्या स्थितीत आढळले. त्यांची स्थानिक नागरिकांच्या मदतीने सुटका केली.
जामनेर पोलिसांनी चारही बैलांची सुटका करून वाहन जप्त केले असून वाहन चालक विशाल विठ्ठल ठोंबरे रा. जवखेडा ठोंबरी ता. भोकरदन जि. जालना आणि रिजवान साबीर कुरेशी रा. जाफराबाद जि. जळगाव या दोघांवर जामनेर पोलीस ठाण्यात गुन्हा दाखल करण्यात आला आहे.
