ब्रेकिंग : मान्यवरांना ज्या कपात चहा दिला जातो,ते चहाचे कप धुतले जातात चक्क शौचालय गृहात
जळगाव महापालिकेतील धक्कादायक प्रकार
जळगाव, मंडे टु मंडे न्युज नेटवर्क l जळगाव महापालिकेत आयुक्त यांना भेटण्यासाठी अथवा महापालिकेच्या दालनात येणाऱ्या मान्यवरांना ज्या कपात चहा दिला जातो, ते चहाचे कप चक्क प्रसाधन गृहा मध्ये तसेच शौचालय गृहात धुतले जात असल्याचा व्हिडिओ समोर आल्याने जळगाव मध्ये मोठी खळबळ उडाली आहे. ह्या घृणास्पद व्हिडिओची सध्या सर्वत्र चर्चा असून हा व्हिडिओ सोशल मीडियावर सर्वत्र व्हायरल होत आहे.हा व्हिडिओ व्हायरल झाल्याने प्रशासन मात्र खडबळून जाग झालं आहे.
जळगाव येथील महापालिका आयुक्त कार्यालयात दररोज शेकडो पदाधिकारी,अधिकारी राजकीय नेते, लोकप्रतिनिधी, नागरिक अशी अनेक मान्यवर व्यक्ती कामानिमित्त महापालिका आयुक्तांना भेटण्यासाठी येत असतात. येणाऱ्या मान्यवरांना चहा दिला जातो. मात्र मान्यवरांना ज्या कपात चहा दिला जातो ते चहाचे कप शिपयांकडून चक्क प्रसाधन गृहामध्ये व शौचालय गृहात असलेल्या बेसिन मध्ये धुतले जात आहेत. हे चहाचे कप धुत असतानाचा व्हिडिओ सोशल मीडियावर व्हायरल झाला असून त्यात शिपाई महापालिका आयुक्तांच्या कार्यालयाचे शेजारी असलेल्या प्रसाधन गृहामधे चहाचे कप धूत असताना व्हिडिओ मध्ये दिसत आहे. याच प्रसाधन गृहात शौचालय सुद्धा आहे. जळगाव महापालिकेतील या घृणास्पद व किळसवाण्या प्रकारामुळे पालिकेतील स्वच्छतेबाबत व चहा पिणाऱ्या मान्यवरांच्या आरोग्याचा प्रश्न उपस्थित केला जात असून त्यावर प्रश्नचिन्ह उपस्थित केले जात असून या प्रकार बाबत आश्चर्य व्यक्त केले जात आहे.
