धक्कादायक : साडे चार वर्षीय चिमुरडीच अपहरण करून लैंगिक अत्याचार
नाशिक, मंडे टू मंडे न्युज नेटवर्क l कालच बदलापुर मध्ये अल्पवयीन साडे तीन वर्षांच्या दोन चिमुरड्यांवर झालेल्या अत्याचाराच्या घटनेनं संपूर्ण राज्य हादरल, पुन्हा ठाणे जिह्यातीलच कळवा येथे गतिमंद मुलीचा विनयभंग करण्यात आला, तसेच आणखी अकोला जिल्ह्यातील काजीखेड येथील शिक्षकाने सहा अल्पवयीन विद्यार्थिनींना अश्लील व्हिडिओ दाखून त्यांच्यावर लैंगिक अत्याचार केला. या ताज्या घटना असतानाच आणखी एक धक्कादायक घटना नाशिकच्या सिन्नर मधून समोर आली आहे.
नाशिकच्या सिन्नर मध्ये सोमवारी संध्याकाळी चिमुकली आपल्या घरासमोर खेळत असताना गावातील एका टिल्लू नामक नराधमाने चिमुकलीच अपहरण करून तिच्यावर लैंगिक अत्याचार केल्याची धक्कादायक घटना घडली.
चिमुकली कुठे दिसत नाही म्हणून घरच्यांनी तिची शोधाशोध केली मात्र ती मिळुन आली नाही. त्यातच हा टिल्लू नामक तरुणही दिसत नसल्याने सर्वांचा संशय बळावला. शेवटी कुटुंबीयांनी पोलिसांकडे धाव घेत तक्रार दाखल केली. पोलिसांनी लागलीच तपास सुरू करून दुसऱ्याच दिवशी आरोपी टिल्लू नामक तरुणाला ताब्यात घेतले त्यानेच चिमुकलीच अपहरण करून तिच्यावर लैंगिक अत्याचार केल्याच कबूल केले. पोलिसांनी शोध घेत चिमुकलीचा सुटका करून तिला तत्काळ रुग्णालयात दखल केले असता त्यात तिच्यावर लैंगिक अत्याचार झाल्याचं सांगण्यात आलं.
या बाबत वावी पोलिस स्टेशनला गुन्हा दाखल करण्यात आला असून पोलिस पुढील तपास करीत आहेत. राज्यात लहान मुलींना नारधमांनकडून टार्गेट केले जात असल्याच्या भावना व्यक्त केल्या जात आहेत.
