ईश्वर चिठ्ठी निकाल भाजपच्या पारड्यात : बडगुजर विजयी !
बोदवड, मुक्ताईनगर- प्रतिनिधी : बोदवड नगरपंचायत निवणूकिसाठी आज मतमोजणी होत असून येथील प्रभाग क्रमांक ५ भाजपच आणि राष्ट्रवादीच्या उमेदवारांमध्ये रस्सी खेस पाहायला मिळाली होती समसमान मते मिळाल्यानंतर ईश्‍वरचिठ्ठी काढण्यात आली यात भाजपच्या विजय बडगुजर यांना लक फॅक्टर चालला असून त्यांचा विजयी झाल्याने भाजपने आपले खाते उघडले आहे
नगरपंचायत निकालात पहिल्या ६ प्रभागांमध्ये जागांचे निकाल जाहीर झाल्यानंतर राष्ट्रवादीला ३ तर शिवसेनेला २ जागा मिळाल्या आहेत. तर प्रभाग क्रमांक पाचमध्ये राष्ट्रवादीचे गोपाळ गंगतिरे आणि भाजपचे विजय शिवराम बडगुजर यांना समसमान म्हणजे ३७४ मते मिळालीत. यामुळे ईश्‍वरचिठ्ठीने यातील विजेता ठरविण्यात आला. यात लक फॅक्टर जोरदार असल्याने भाजपचे उमेदवार विजय बडगुजर यांच्या गळ्यात विजयाची माळ पडली आहे.
