डंपरच्या धडकेत दुचाकीवरील एका तरूणाचा मृत्यू, दोन जण गंभीर जखमी
मंडे टू मंडे वृत्तसंकलन।
जळगाव,मंडे टू मंडे वृत्तसेवा। तालुक्यातील नशिराबाद येथे रात्री महामार्गावरील उड्डाण पुलाखालून सुनसगावकडे जाणार्या डंपरच्या धडकेत दुचाकीवरील एका तरूणाचा मृत्यू झाला असून दोन जण गंभीर जखमी असून एकाची प्रकृती गंभीर असल्याची माहिती मिळत आहे.
मिळालेली माहिती अशी, विशाल उर्फ विकी रमेश रंधे वय-२५, रोहित दगडू इंगळे वय-२५, उदय भगवान बोदडे वय-२३ तिघे राहणार- नशिराबाद, सिद्धार्थनगरात हे तिघे एमएच-१९, डीएस-८६९२ क्रमांकाच्या दुचाकीवरून रात्री साडेबाराच्या सुमारास घरी परतत असताना यादरम्यान, महामार्गावरील उड्डाण पुलाखालून सुनसगावकडे जाणार्या एमएच-१९ झेड, ४७४८ या क्रमांकाच्या भरधाव डंपरने त्यांच्या दुचाकीला धडक दिल्याने झालेल्या अपघातात विशाल उर्फ विकी रमेश रंधे याचा जागीच मृत्यू झाला असून रोहित इंगळे आणि उदय बोदडे हे गंभीर जखमी झाले असून त्यांच्यावर खासगी रूग्णालयात उपचार सुरू आहेत.
