ट्रॅक्टरची कारला जोरदार धडक : भीषण अपघातात २ जागीच ठार !
जळगाव, मंडे टू मंडे वृत्तसेवा : शहरातील के.सी.पार्कजवळ आज गुरुवार रोजी सकाळी ट्रॅक्टरची कारला जोरदार धडक लागल्याने भीषण अपघात झाला असून चारचाकी वाहनातील २ जण जागीच ठार झाल्याची दुर्दैवी घटना घडली आहे.
सविस्तर असे की, आज गुरुवारी पहाटेच्या सुमारास भादली येथील पाटील कुटुंबीय चारचाकीने भोकर येथे जात होते. यावेळी कानळदा रस्त्यावरील के.सी.पार्क जकात नाक्याजवळ समोरून भरधाव वेगात येत असलेल्या लाकडाने भरलेल्या ट्रॅक्टरने जोरदार धडक दिली. या भीषण अपघातात कारचे पुढील भाग चक्काचूर झाला असून चालकासह एक महिला जागीच ठार झाली आहे. तसेच एक महिला व एक पुरुष दोघे जखमी झाले असून त्यांना लागलीच उपचारार्थ जिल्हा रुग्णालयात दाखल करण्यात आले आहे. जळगावात अपघातांची मालिका पुन्हा सुरू झाल्याचे दिसून येते आहे.
