Accident : नाशिराबादजवळ पिकअप व ट्रकचा भीषण अपघात, ५ जण ठार !
जळगाव, मंडे टू मंडे न्युज वृत्तसेवा : जळगावकडून भुसावळच्या दिशेने जाणाऱ्या दोन मालवाहू वाहनांवर नशिराबादजवळ सिमेंट फॅक्टरीच्या समोर रेल्वे पुलावर भुसावळ करून येणारा भरधाव ट्रक धडकल्याने चौघे जागीच ठार झाले तर एकाचा रुग्णालयात उपचार सुरू असताना मृत्यू झाला. या भीषण अपघाताने परिसरात एकच खळबळ उडाली आहे.
बुधवारी सकाळी जळगावकडून बकऱ्या घेऊन मालवाहू पीकअप क्रमांक एमएच.४३.एडी.१०५१ व एमएच. ४३.बीबी. ००५० हे भुसावळच्या दिशेने जात होता. सिमेंट फॅक्टरी ते डॉ.उल्हास पाटील वैद्यकीय महाविद्यालयजवळ रेल्वे उड्डाणपुलावर वळणावर समोरून येत असलेल्या ट्रक क्रमांक एमपी.०९.एजी.९५२१ ने त्यांना जोरदार धडक दिली. अपघात इतका भयंकर होता की चौघे जण जागीच ठार झाले. मालवाहू वाहनातील नागरिक उड्डाण पुलावरून खाली कोसळले तर ट्रक उड्डाणपुलाच्या सुरक्षा भिंतीवर चढल्याने पाहायला मिळाले.
ट्रकच्या जोरदार धडकेने ३ जण उड्डाणपुलावरून थेट खाली कोसळले. दोन्ही मालवाहू चक्काचूर झाल्या असून दोन जखमींना तात्काळ उपचारासाठी रुग्णालयात दाखल केले यातील एकाच उपचारादरम्यान मृत्यू झाल्याची माहिती मिळत आहे. घटनास्थळी नशिराबादचे पोलिसांनी व परिसरातील नागरिकांनी घटनास्थळी धाव घेऊन मदतकार्य सुरू केले. या अपघातानं महामार्गावरील वाहतूक विस्कळीत झाली असून सुरळीत करण्याचा प्रयत्न चालू आहे.
