जळगाव मध्ये प्राणघातक हल्ल्यांचे सत्र सुरूच, चाकूच्या हल्ल्यात तरुण गंभीर जखमी
मंडे टू मंडे वृत्तसंकलन।
जळगाव,मंडे टू मंडे वृत्तसेवा। काल शनिवारी ४ डिसेंबर रोजी रात्री ११ वाजेच्या सुमारास एका २४ वर्षीय गुन्हेगारी पार्श्वभूमी असलेल्या तरुणावर त्याच्या ओळखीच्या सागर कंडारे व इतर एक यांनी त्याच्यावर चाकूचे पाच ते सहा वार करून त्याला गंभीर जखमी केले आहे. त्याच्यावर शासकीय वैद्यकीय महाविद्यालय व रुग्णालय येथे उपचार सुरू होते.पण गंभीर जखमी असताना नातेवाईकांनी पवनला खाजगी रुग्णालयात रात्री १२:३० वाजता हलवले आहे.जळगाव शहरात हल्ल्याचे सत्र सुरूच असून शहरात प्राणघातक हल्ल्यांचे सत्र थांबता थांबत नाही.
गुन्हेगारी पार्श्वभूमी असलेल्या पवन उर्फ घातक सोनवणे (वय २४) रा. आदित्य चौक, मेहरुण असे जखमीचे नाव असून त्याचे नातेवाईक व मित्र परिवाराची रुग्णालयात गर्दी केली. पवन उर्फ घातक सोनवणेवर एमआयडीसी पोलीस स्टेशनमध्ये इतर काही गुन्हे दाखल आहेत. तसेच एकदा तो हद्दपार झाला होता. एमआयडीसी पोलीस घटनेची माहिती घेत आहेत. सागर6 कंडारे नामक व एक इतर युवकाने पवन उर्फ घातक वर प्राण घातक हल्ला केला असल्याचे सागण्यात येत आहे. पवननेही सागर कंडारे व त्याचा मित्राला मारहाण करून जखमी केले आहे. जिल्हा शासकीय रुग्णालयात या दोघांनवर उपचार सुरू आहे. पण पवन उर्फ घातक सोनवणे यांची प्रकृती चिंताजनक असल्याने त्याला जबर मार लागल्याने नातेवाईकांनी पवनला खाजगी रुग्णालयात हलविले आहे.
