२४० रुपयांची लाच भोवली; तलाठ्यांसह कोतवालांस अटक
मंडे टू मंडे वृत्तसंकलन।
भुसावळ (प्रतिनिधी)। तालुक्यातील कु-हे पानाचे येथील तलाठयाला सातबारा उताऱ्यावरील बोजा कमीकरून देण्याच्या मोबदल्यात लाच घेताना लाचलुचपत प्रतिबंधक विभागाने अटक केल्याने खळबळ उडाली आहे.
आज सोमवार ८ रोजी दुपारी दीड वाजेच्या सुमारास सातबारा उताऱ्यावरील बोजा कमीकरून देण्याच्या मोबदल्यात फक्त २४० रुपयांची लाच घेतांना तालुक्यातील कुऱ्हे पानाचे येथील तलाठी प्रवीण मेश्राम व कोतवाल प्रकाश अहिर या दोघांना जळगावच्या लाचलुचपत प्रतिबंधित विभागाच्या पथकाने अटक केली आहे. जळगाव एसीबीचे पोलीस उपाधीक्षक गोपाळ ठाकूर यांच्यासह पथकाने हि कारवाई केली.
