मालवाहू रिक्षाला कारची जोरदार धडक : एक ठार, एक जखमी !
मंडे टू मंडे वृत्तसंकलन।
जळगाव, मंडे टू मंडे वृत्तसेवा : जामनेरला जात असलेल्या मालवाहू रिक्षाला भरधाव वेगाने धावणार्या कारने जोरदार धडक दिल्याने जामनेर तालुक्यातील रिक्षा चालकाचा जागीच मृत्यू झाला असून एक जण गंभीर जखमी झाला आहे.
याबाबत सविस्तर असे की, जळगावच्या एमआयडीसीतील कंपनीतून ट्रॉलीचा सामान नेण्यासाठी जामनेर येथील ट्रॅक्टर ट्रॉलीचा व्यवसाय करणारे सुनील अभिमन्यू शार्दूल नेहमी असतात. त्यामुळे नेहमीप्रमाणे आज गुरुवार भरत उखा ढोकणे (रा. मालदाभाडी, ता. जामनेर) यांच्या मालवाहू रिक्षेतून जळगावला आले ट्रॉलीचा सामान एमआयडीतील कंपनीतून घेऊन रिक्षेत मागे ठेवून ते घरी जामनेरला परतण्यासाठी निघाले असता महामार्गावर चिंचोली ते उमाळा गावांजवळ जळगावच्या दिशेने मागून येणार्या भरधाव कारने त्यांच्या रिक्षाला जोरदार धडक दिल्याने मालवाहू रिक्षेने ३-४ पलटी खालल्या या भीषण अपघातात रिक्षा चालक भरत उखा ढोकणे यांचा जागीच मृत्यू झाला असून सुनील अभिमन्यू शार्दूल हे गंभीर जखमी झाले आहेत. त्यांना उपचारासाठी जिल्हा रूग्णालयात दाखल करण्यात आले आहे.
