विजांच्या कडकडाटांसह ” या ” जिल्ह्यात पावसाची शक्यता
मंडे टू मंडे वृत्तसंकलन।
जळगाव,मंडे टू मंडे वृत्तसेवा। पश्चिम चक्रावातामुळे गेल्या आठवड्यात मध्य प्रदेशासह गुजरातमध्येही अवकाळी पावसाने हजेरी लावली हाेती. या चक्रावाताचा परिणाम महाराष्ट्रावर हाेणार असून पुढील आठवड्यात साेमवार ते बुधवारी राज्यावर अवकाळी पावसाचे सावट असेल.
विकेंडनंतर पुढील दोन दिवस राज्यात अनेक ठिकाणी मेघगर्जनेसह पावसाची शक्यता हवामान विभागाकडून वर्तवण्यात आली आहे. हवामान खात्याने जारी केलेल्या माहितीनुसार, सोमवारी 07 मार्च रोजी पालघर जिल्ह्यात ढगाळ हवामानाची शक्यता असून तुरळक ठिकाणी हलक्या ते मध्यम स्वरुपाच्या सरी कोसळणार आहे. तसेच याचदिवशी नाशिकसह, धुळे, नंदुरबार आणि जळगाव या ठिकाणी विजांचा गडगडाट होणार आहे. त्यामुळे आकाशात विजा चमकत असताना नागरिकांनी घराबाहेर पडू नये, अथवा लांबचा प्रवासा टाळावा, असा सल्ला हवामान विभागाकडून देण्यात आला आहे.
