नशिराबाद गोळीबाराने हादरले : एक जण ठार, एक जखमी
मंडे टू मंडे वृत्तसंकलन।
नशिराबाद, मंडे टू मंडे वृत्तसेवा : येथील उड्डाणपुलाजवळ गोळीबारात झाल्याची घटना समोर येत अडून खुनाच्या गुन्ह्यातील आरोपींना जामीन मिळाल्यानंतर त्यांच्यावर गोळीबार आणि चॉपर हल्ला करण्यात आला असून यात एक जण ठार झाला असून एक जखमी झाला आहे. हा हल्ला विरुद्ध बाजूच्या टोळक्याने केल्याचे समजते असून परिसरात प्रचंड खळबळ उडाली आहे.
याबाबत मिळालेली माहिती अशी, भुसावळ येथील खुनाच्या खटल्यामधील सुरळकर बंधू असलेल्या दोन संशयित आरोपींना मंगळवारी जामीन मिळाला होता. जामीन मिळाल्यानंतर उर्वरित प्रक्रिया पूर्ण केल्यानंतर ते भुसावळला दुचाकीने परतत असतांना त्यांना अज्ञात मारेकर्‍यांनी रोखले. त्याच वेळी त्यांच्यावर अज्ञात मारेकऱ्यांनी चोपरनें आणि बंदुकीने हल्ला चढवत त्यांना जिवे ठार मारण्याचा प्रयत्न केला. यामध्ये एकाचा जागीच मृत्यू झाला असून दुसरा गंभीर जखमी झाला आहे. त्याच्यावर खासगी रुग्णालयात उपचार सुरू आहे. घटनास्थळी पोलीसांचा फोज फाटा पोहोचला आहे. मारेकऱ्यांचा तपास पोलीस करीत आहे.
