दारू प्यायचं हे वय आहे का ? विचारल्याने दगडाने ठेचून खून !
जळगाव, मंडे टू मंडे न्युज वृत्तसेवा : मेहरूण तलावाजवळ दारू पित असलेल्या वयाने लहान असलेल्या दोन मुलांना हे तुमचं दारू प्यायच वय आहे का? असा प्रश्न विचारल्याने ९ एप्रिलच्या दुपारी यांचा राग आल्याने त्या दोघांनी दिनेश पाटील यांचा डोक्यात दगड घालून खून केला असल्याचे धक्कादायक माहिती तपासात उघड झाली आहे.
मेहरू तलावाजवळ ९ एप्रिल रोजी दिनेश पाटील या इसमाचा दगडाने ठेचून खून करण्यात आला होता. अखेर या खुनाचा छडा लागला असून, आनंद माळी (वय २१) व एका पंधरा वर्षाच्या मुलानी मिळून दिनेश पाटील यांचा खून केला आहे. याबाबत अधिक माहिती अशी की दिनेश पाटील हे दारू प्यायला बसले होते. त्यांच्यासमोर एका भिंतीखाली आनंद माळी व त्याचा मित्र दारू प्यायला बसला होता. अचानक दिनेश पाटील यांनी हे तुमचं दारू प्यायचं वय आहे का असा प्रश्न विचारला व त्याचा राग आल्याने या दोघा मुलांनी दिनेश पाटील यांचा खून केला. या गुन्ह्यातील दोघ जणांना स्थानिक गुन्हे शाखेच्या पथकाने अटक केली आहे. यापैकी एकजण अल्पवयिन आरोपी आहे.
स्थानिक गुन्हे शाखेचे निरीक्षक किरणकुमार बकाले यांच्या मार्गदर्शनाखाली अमोल देवडे, अशोक महाजन, विजयसिंग पाटील, जितेंद्र पाटील, सुधाकर अंभोरे, अक्रम शेख, राहुल पाटील, विजय पाटील, प्रीतम पाटील, भरत पाटील, विजय चौधरी, दर्शन ढाकणे यांनी शोध घेतला.
