प्रेमी युगलाच्या दुहेरी हत्याकांडाने जिल्हा हादरला, मुलाला गोळी मारली, मुलीचा दाबला गळा!
जळगाव, मंडे टू मंडे न्युज : चोपड्यात जळगाव जिल्ह्यासह राज्याला हादरवून सोडणारी घटना घडली असून प्रेमसंबंधाच्या कारणातून मुलाची गोळी मारून तर मुलीचा गळा दाबून हत्या करण्यात आली असून ऑनर किलिंगमधून दोघांचा खून (Jalgaon Crime News) करण्यात आल्याने मोठी खळबळ उडाली आहे.
एका अल्पवयीन भावाने बहिणीचे एका तरुणावर प्रेम असल्याने याचा त्याच्या मनामध्ये राग असल्याने त्याने राकेश संजय राजपूत (वय- २२, रा. रामपूर चोपडा) याची एका पिस्तुलाद्वारे गोळी झाडून हत्या केली तर वर्षा समाधान कोळी (वय- २०, रा. सुंदरगगढी, चोपडा) बहिणीचा गळा दाबून खून केल्याची माहिती चोपडा शहर पोलीस स्थानकात रात्री साडेदहा वाजेच्या सुमारास एक अल्पवयीन मुलगा पिस्टल घेऊन पोलिसात हजार झाला आणि आपण दोघांचा खून केल्याची माहिती दिली. त्यानुसार पोलिसांनी चोपडालगत जुना वराड रोड शिवारात पाहणी केली असता नाल्यात दोघांचे मृतदेह आढळून आले. त्यात मुलाची गोळी मारून तर मुलीचा गळा दाबून खून करण्यात आल्याचे समोर आले.
दरम्यान, पोलिसांनी दोन संशयित अल्पवयीन आरोपींना ताब्यात घेण्यात आले असून इतर दोघांचा शोध सुरु आहे. प्रेम संबंधातून खून झाल्याची माहिती समोर आली असून या प्रकरणी मयत मुलीचा अल्पवयीन भाऊच फिर्यादी झाला असल्याची माहिती पोलिसांनी दिली आहे. पुढील तपास सहा. पोलीस अधीक्षक रावले हे करीत आहेत.
