ब्रेकिंग: खडसे गटाचे खाते उघडल: जिल्हा दूध संघात पहिला उमेदवार बिनविरोध
जळगाव, मंडे टू मंडे न्यूज प्रतिनिधी | जिल्हा दुध संघाच्या निवडणुकीत आज छाननी नंतर रावेरमधून एकनाथराव खडसे यांच्या समर्थकाचा एकमेव अर्ज असल्याने बिनविरोध विजय झाला आहे.
जळगाव जिल्हा सहकारी दुध संघाच्या निवडणुकीसाठी आज छाननीचा शेवटचा दिवसी रावेर मतदारसंघातून आमदार एकनाथराव खडसे यांचे कट्टर समर्थक मानले जाणारे जगदीश लहू बढे यांचा एकमेव अर्ज असल्याने त्यांनी निवड निश्‍चीत झाली आहे. ते आधीच्या संचालक मंडळातही निवडून आले होते. या माध्यमातून राष्ट्रवादी कॉंग्रेस पक्षाने आपले विजयाचे खाते उघडले आहे. निवडणुकीतील पहिली बाजी ही राष्ट्रवादी कॉंग्रेसने व अर्थातच एकनाथराव खडसे यांनी मारल्याचे दिसून आले आहे.
दरम्यान, छाननीअंती विविध मतदारसंघासाठींच्या लढती स्पष्ट झालेल्या आहेत. निवडणुकीच्या रिंगणात एकूण ११४ उमेदवार रिंगणात असून यात एरंडोल मधून एका उमेदवाराने आजच माघार घेतली आहे. अर्थात, आज सायंकाळपर्यंत निवडणुकीच्या आखाड्यात ११३ उमेदवार बाकी राहिले आहेत. आता माघारीच्या कालावधीत काही उमेदवार आपले अर्ज मागे घेऊ शकतात. यानंतरच खरेच चित्र स्पष्ट होणार आहे.
