समाज टिकवायचा असेल तर नाते जपायला शिका : लेवा समाज सोहळ्यात एकनाथराव खडसेचे गौरवोद्गार
मंडे टू मंडे वृत्तसंकलन।
जळगाव ,मंडे टू मंडे वृत्तसेवा। समाज टिकवायचा असेल तर नाते जपायला शिका , भविष्याच्या दृष्टीने सकल लेवा समाजाची एकजूटही महत्त्वाची ठरणार असून गुणवंतांना पाठबळ द्या , त्यांचे मनापासून कौतुक करा असे सांगून लेवा भोरगाव पंचायतीचे कार्य अत्यंत स्पृहणीय आहे ” असे गौरवोद्गार माजी महसूल ,अर्थ व कृषिमंत्री एकनाथराव खडसे यांनी काढले.
भोरगाव लेवा पंचायतीचे कुटुंबनायक श्री.रमेशदादा विठू पाटील यांनी वयाची ७५ वर्षे पूर्ण केली , त्यानिमित्त त्यांच्या जीवनातील ” अमृतयोग सोहळा ” दि.९ नोव्हेंबर मंगळवार यावल तालुक्यातील पाडळसे येथील लोकविद्यालय ,पिळोदा रोड येथील माजी विद्यार्थी भवनात मोठ्या उत्साहपूर्ण वातावरणात संपन्न झाला.त्याप्रसंगी श्री.खडसे बोलत होते.
या निमित्ताने सकल लेवा समाज लेवा अधिवेशनानंतर पुन्हा एकत्र आला होता. तर प्रमुख अतिथी म्हणून खासदार श्रीमती रक्षाताई खडसे , आमदार शिरीषदादा चौधरी , आमदार सुरेश उर्फ राजुमामा भोळे , जळगावचे महापौर जयश्री सुनील महाजन , जळगाव जिल्हा बँकेचे अध्यक्षा ऍड. रोहिणी खडसे – खेवलकर , डॉ.उल्हास पाटील , लेवा पंचायतचे युवा अध्यक्ष ललितकुमार पाटील , आमदार संजय सावकारे ,भुसावळचे नगराध्यक्ष रमण भोळे , माजी आमदार दिलीप भोळे ,सभापती पल्लवी चौधरी , माजी नगराध्यक्ष उमेश नेमाडे , पोपट तात्या भोळे , प्रभात चौधरी , अमृतयोग गौरव समितीचे व नियोजनाची महत्वाची धुरा सांभाळणारे सामाजिक कार्यकर्ते व कलावंत तुषार वाघुळदे , गिरीश नारखेडे , बी.के.चौधरी ,डॉ.अरविंद कोलते , डी.के.देशमुख , संजय पाटील , मोताळा , ज्ञानदेव खाचणे ,उद्योजक सुबोध चौधरी, प्रवीण झांबरे (गुजरात ) ऍड. प्रकाश पाटील , संजीव राणे , प्रल्हाद भारंबे , धीरज पाटील ,हेमंत बोंडे ,मोरेश्वर फिरके यांच्यासह प्रतिष्ठित मान्यवरांची लक्षणीय उपस्थिती होती.
या भव्य सोहळ्यात लेवा पाटीदार समाजाच्या चौथ्या महाधिवेशनाचा अहवाल सर्व पाहुण्यांच्या उपस्थितीत प्रकाशित करण्यात आला.
तसेच या अमृत योग सोहळ्यानिमित्त सकल लेवा समाज आयोजित ‘ कुटुंब नोंदणी अभियानाचा शुभारंभ कुटुंबनायक रमेश पाटील यांच्या हस्ते झाला. कुटुंबनायक पाटील यांना अमृत योग गौरव समितीच्यावतीने मानपत्र प्रदान करण्यात आले.
या गौरव समितीचे मुख्य संयोजक विष्णू रामदास भंगाळे यांनी कार्यक्रमाचे प्रास्ताविक आणि अहवाल वाचन केले तर प्रभात चौधरी यांनी मानपत्राचे वाचन केले .पाहुण्यांचे स्वागत अमृत योग गौरव समितीचे सदस्य ललित रमेश पाटील , प्रभात चौधरी ,जेष्ठ पत्रकार आणि सामाजिक कार्यकर्ते तुषार this वाघुळदे , गिरीश नारखेडे , शरद महाजन ,ललित चौधरी , प्रियदर्शिनी सरोदे , गीताताई चौधरी ,
डॉ.उदय चौधरी , डी.के.देशमुख ,भरत महाजन , जितेंद्र फिरके , दिनेश भंगाळे , संजय पाटील, चेतना पाटील , राजेश वारके आदीनी केले. याप्रसंगी आमदार शिरीष चौधरी , खासदार रक्षा खडसे , रोहिणी खडसे , महापौर जयश्री महाजन , आमदार सुरेश भोळे आणि कुटुंबनायक रमेश दादा यांनी मनोगत व्यक्त केले. भोरगाव लेवा पंचायतीचे कार्यकारिणी मंडळाचे संचालक आणि गौरव समितीच्या सदस्यांना पाहुण्यांच्या हस्ते सन्मानचिन्ह देऊन गौरविण्यात आले.
पुणे , मुंबई ,धुळे ,मध्यप्रदेश , गुजरात ,बुलडाणा , मलकापूर, नांदुरा , मोताळा , नांदेड – साळवा ,वाघळी , डोंबिवली ,औरंगाबाद आदी भागातून समाजबांधव- भगिनी मोठ्या संख्येने या आनंद सोहळ्यास उपस्थित होते असे कुटुंबनायक रमेशदादा विठू पाटील अमृत योग समितीच्यावतीने आयोजन समितीचे सदस्य तुषार वाघुळदे कळविले आहे. कार्यक्रमाचे सूत्रसंचालन कल्पना भारंबे यांनी तर आभार जितेंद्र फिरके यांनी मानले.
