अतिवृष्टीग्रस्त शेतकरी आर्थिक मदतीपासून वंचित…शेतकर्यांकडून शासनाला गाजर भेट …..!
मंडे टू मंडे वृत्तसंकलन।
जळगाव जामोद,मंडे टू मंडे न्युज वृत्तसेवा। यावर्षी बुलढाणा जिल्ह्यामध्ये निसर्गाच्या लहरीपणामुळे सप्टेंबर_आक्टोबर महिन्याच्या सुरुवातीला अतिशय मोठ्या प्रमाणात वादळी वाऱ्यासह अतिवृष्टी झाली होती.
त्यामध्ये प्रामुख्याने जळगाव जामोद तालुक्यामध्ये शेतकऱ्यांच्या तोंडाशी आलेले ज्वारी, मका, बाजरी, उडिद, मुंग , सोयाबीन आदी काही पिके जमीनदोस्त झालेली होती.
नदिकाच्या व पाण्याच्या प्रवाहात असलेल्या जमिनी ह्या पिकांसह खरडुंन गेलेल्या होत्या शेतकऱ्यांच्या पिकांचे पंचनामे करण्याकरीत प्रशासकीय अधिकारी व लोकप्रतिनिधी शेतकऱ्याच्या बांधावर जाऊन पिकाचे पंचनामे सुद्धा करण्यात आले होते. सरकारचे लक्ष वेधावे या करीता शेतकर्यांच्या वतीने निवेदने सुद्धा देण्यात आली होती. परंतु ६-७ महिन्याचा कालावधी उलटून सुद्धा शेतकऱ्यांच्या खात्यामध्ये आतापर्यंत कोणत्याच प्रकारची मदत जमा झालेली दिसत नाही. त्यामुळे शेतकऱ्यांच्या झालेल्या नुकसानीचे आर्थिक मदत न करता शासन केवळ शेतकऱ्यांना गाजर देण्याचे काम करते का.? असा प्रश्न शेतकरी वर्गामध्ये निर्माण झालेला आहे.त्यामुळे आज शासनाचे लक्ष वेधण्यासाठी तहसीलदार साहेब यांच्यामार्फत शासनाला गाजरं पाठवुन देण्यात आले.
