जळगाव मर्डर ! महिलेची हत्या प्रकरणी संशयित आरोपी काही तासांतच गजाआड !
मंडे टू मंडे वृत्तसंकलन।
जळगाव, मंडे टू मंडे वृत्तसेवा। आज सकाळी येथील रामेश्वर कॉलनीत असलेल्या तुळजाई नगरात एका महिलेचा गळा चिरून खून करण्यात आल्याची घटना उघडकीस आली होती. दरम्यान, एमआयडीसी पोलिसांनी तपासचक्रे फिरवीत अवघ्या काही तासात संशयिताला अटक केली आहे.
भाजी विक्रेत्या तुळजाई नगरात राहणाऱ्या वंदना गोरख पाटील (वय ४२) या महिलेचा गळा आवळून आणि चेहऱ्यावर काहीतरी वस्तूने मारहाण करून खून करण्यात आल्याचा प्रकार शुक्रवारी सकाळी उघडकीस आला होता. घटनास्थळी एमआयडीसी पोलिसांनी धाव घेत लागलीच पोलीस निरीक्षक प्रताप शिकारे यांच्या मार्गदर्शनाखाली डीबी पथकाने संशयीत सुरेश सुकलाल माळी (महाजन) याला ताब्यात घेण्यात आले आहे.
