नशीराबाद येथून १६ वर्षीय अल्पवयीन मुलीचे अपहरण
जळगाव,मंडे टू मंडे न्युज वृत्तसेवा। नशीराबाद येथील एका १६ वर्षीय अल्पवयीन मुलीचे अपहरण झाल्याची धक्कादायक घटना उघडकीस आली असून याप्रकरणी नशीराबाद पोलिसस्टेशनला गुन्हा दाखल करण्यात आला आहे.
मिळालेली अधिक माहिती अशी की, नशीराबाद गावात १६ वर्षीय मुलगी दि ५ मे रोजी दुपारी दोन ते तीन वाजेच्या सुमारास आपल्या घरी असतांना, तिला कोणीतरी अज्ञात व्यक्तीने काहीतरी आमिष दाखवून फूस लावून पळवून नेले. सदरचा प्रकार लक्षात आल्यानंतर मुलीचे वडीलांनी नशीराबाद पोलिसस्टेशनला तक्रार दिल्याने अज्ञात व्यक्ती विरुद्ध अपहरणाचा गुन्हा दाखल करण्यात आला आहे.
