दारू पिण्यास पैसे न दिल्याने तरुणाच्या डोक्यात फोडली बिअरची बाटली !
जळगाव, मंडे टू मंडे न्युज वृत्तसेवा : रेल्वे स्टेशन परिसरात एका तरुणाने दारू पिण्यासाठी दोनशे रुपये देण्यास नकार दिला असता तरुणाच्या डोक्यात बिअरची बाटली फोडून त्यास मारहाण केल्याची गंभीर घटना समोर आली असून याप्रकरणी शहर पोलिस स्थानकात गुन्हा नोंदविण्यात आला आहे.
याबाबत अधिक माहिती अशी, शुक्रवारी रात्री रेल्वे स्टेशन परिसरात शहरातील पांडे चौक येथील रहिवासी ऋषिकेश अनिल मोरे ( वय-२२) हा तरुण तंबाखूची पुडी आणण्यासाठी गेला होता. तेथे केसी पार्क कानदळा रोड येथील रहिवासी असलेला राहुल अर्जुन भगत या तरुणाने दारू पिण्यासाठी २०० रुपयांची मागणी केली मात्र, मोरे यांनी पैसे देण्यास नकार दिल्याने राहुल भगत याने हृषिकेश याच्या डोक्यात बिअरची बाटली फोडत चेहऱ्यावर डाव्या बाजूचे जोरदार मारल्याने या घटनेत ऋषिकेश गंभीर जखमी झाला डोक्यात दोन व चेहऱ्यावर सहा टाके पडले असून याप्रकरणी राहुल अर्जुन भगत याच्याविरोधात शहर पोलिस स्थानकात जखमी ऋषिकेश याने शनिवारी दिलेल्या तक्रारीवरून गुन्हा दाखल करण्यात आला आहे पुढील तपास पोलीस करीत आहे.
