ब्रेकिंग : जळगावचे माजी खासदार निलंबित, कांग्रेस मध्ये खळबळ, भाजप प्रवेशाची शक्यता
जळगाव, मंडे टू मंडे न्यूज वृत्तसेवा। जळगाव जिल्ह्याच्या राजकारणातील सर्वात मोठी बातमी समोर आली असून माजी खासदार तथा जळगाव काँग्रेसचे माजी उपाध्यक्ष डॉ. उल्हास पाटील यांना काँग्रेसचे प्रदेशाध्यक्ष नाना पटोले यांनी ६ वर्षांसाठी पक्षातून निलंबित केलं आहे. डॉ. उल्हास पाटील यांचे सह त्यांच्या पत्नी डॉक्टर वर्षा पाटील व काँग्रेसचे युवक जिल्हाध्यक्ष देवेंद्र मराठे यांच्यावर काँग्रेस तर्फे निलंबनाची कारवाई करण्यात आली असून काँग्रेसचे प्रदेशाध्यक्ष नाना पटोले यांनी पाटील यांच्यासह तिघांना निलंबनाचे पत्र देण्यात आले आहे. निलंबनाच्या कारवाईने जिल्ह्याच्या राजकारणात मोठी खळबळ उडाली आहे.
भाजपात जाणार असल्याच्या चर्चांना उधाण,लवकरच भाजप मध्ये प्रवेश करणार मिळालेल्या माहितीनुसार कारवाईनंतर डॉ. उल्हास पाटील , वर्षा पाटील तसेच त्यांच्या कन्या केतकी पाटील तिघे कुटुंबीय हे लवकरच भाजप मध्ये प्रवेश करणार असल्याची माहिती विश्वसनीय सूत्रां कडून मिळाली आहे.
