ब्रेकिंग न्युज : जळगाव जिल्ह्यातील भाजपच्या “या” महिला नेत्याचा ठाकरे गटात पक्षप्रवेशासह लोकसभेचं तिकीट?
जळगाव,मंडे टु मंडे न्युज नेटवर्क l येत्या आठवड्यात लोकसभा निवडणुकीची घोषणा होऊ शकते. संपूर्ण देशभरात सध्या निवडणुकीचं वारे वाहतं आहेत. लोकसभेच्या उमेदवारी साठी नेते या पक्षातून त्या पक्षात, ईकडून तिकडे पक्ष प्रवेश होत असल्याचे दिसत आहे. कोणत्या मतदारसंघातून कुणाला तिकीट मिळणार याबाबत संपूर्ण महाराष्ट्रात सर्वत्र चर्चा सुरू असताना लोकसभा निवडणुकीच्या पार्श्वभूमीवर शिवसेना ठाकरे गटाचे पक्षप्रमुख उद्धव ठाकरे भाजपला मोठा धक्का देण्याच्या तयारीत असल्याची माहिती मिळत आहे. मिळालेल्या माहितीनुसार, जळगाव जिल्ह्यातील एका बड्या महिला नेत्याचा शिवसेना ठाकरे गटात पक्षप्रवेश होऊ शकतो, पक्षप्रवेशासोबत या महिला नेत्याला जळगाव लोकसभेची उमेदवारीही दिली जाण्याची दाट शक्यता आहे.
लोकसभा निवडणुकीच्या घोषणे आधीच मुंबईत ललिता पाटील यांचा शिवसेना ठाकरे गटात प्रवेश होण्याची शक्यता आहे. शिवसेना ठाकरे गटाकडून जळगाव लोकसभा मतदारसंघासाठी उमेदवाराची चाचपणी सुरु असून भाजपच्या नेत्या ॲड. ललिता पाटील यांना ठाकरे गटात घेण्याबाबत चर्चा सुरु आहे. पुढच्या दोन दिवसात ललिता पाटील या ठाकरे गटात प्रवेश करणार असल्याची माहिती सूत्रांनी कडून मिळत आहे.
