ब्रेकिंग : एकनाथ खडसे यांना हृदयविकाराचा झटका
मंडे टू मंडे न्यूज वृत्तसेवा। माजी मंत्री राष्ट्रवादीचे आमदार एकनाथराव खडसे यांना हृदयविकाराचा झटका आल्याची माहिती मिळत असून त्यांना उपचारासाठी जळगावहून मुंबई येथे हलविण्यात येत असल्याचे समजते.
आज दुपारी राष्ट्रवादी काँग्रेसचे आमदार एकनाथराव खडसे यांची प्रकृती अचानक खालावली. त्यांना सकाळीच अस्वस्थ वाटत होते, यामुळे त्यांना जळगाव येथील रूग्णालयात उपचारासाठी दाखल करण्यात आले. येथून त्यांना पुढील उपचारासाठी मुंबई येथे नेण्यात येणार असून जळगाव विमानतळावरून त्यांना एयर अँब्युलन्सने मुंबई येथे नेण्यात येणार असल्याचे समजते.
मुख्यमंत्री एकनाथ शिंदे याना माहिती समजताच त्यांनी एयर अँब्युलन्सची व्यवस्था करण्याचे आदेश दिले, सध्या आमदार एकनाथराव खडसे यांच्यावर जळगावातील गजानन हार्टकेअर हॉस्पीटलमध्ये दाखल करण्यात आले आहे. येथे त्यांच्या चाचण्या करण्यात येत असल्याची माहिती समोर आली आहे. दरम्यान, एकनाथ खडसे यांना हृदयविकाराचा झटका आला असून त्यांना एयर अँब्युलन्सने मुंबई येथे नेण्यात येत आहे.
