तीन गावठी बनावटीचे पिस्तुल व चार जिवत काडतुसांसह तरुणाला अटक
जळगाव,मंडे टू मंडे न्युज नेटवर्क/ एक व्यक्ती गावठी पिस्तूल घेऊन शहरात फिरत असल्याची माहिती आज दि २४ फेब्रुवारी शनिवार रोजी सकाळी पोलिसांना मिळाल्याने गणेश कॉलनी जवळ बजरंग बोगद्यापाशी किशोर रामदास कोळी या तरुणा जवळ तीन गावठी पिस्तूल व चार जिवंत काडतुसासह् स्थानिक गुन्हे अन्वेषण शाखेच्या पोलिसांना आढलून आल्याने पोलिसांनी त्याला अटक केली आहे.
आज सकाळी एक व्यक्ती जळगाव शहरातील गणेश कॉलनी रोड भागातील बजरंग बोगदयाजवळ मोटार सायकलीवर पिस्तुल बाळगत फिरत असल्याची गोपनीय माहीती स्थानिक गुन्हे शाखेला मिळाल्याने पोलीस अधिकारी व कर्मचाऱ्यांनी
सदर व्यक्तीचा शोध घेत किशोर रामदास कोळी, वय ३० रा. काचन नगर, जळगाव.याची तपासणी केली असता याच्या जवळील मोटारसायकलच्या शिटखाली अंदाजे १,३१,००० रुपये किमतीचे एकुण तीन गावठी बनावटीचे पिस्तुल मॅगझीनसह व चार जिवत काडतुस मिळून आले.यात त्याची दुचाकीही पोलिसांनी जप्त केली असून आहे. किशोर रामदास कोळी याला पोलिसांनी अटक केली असून या बाबत जिल्हापेठ पोलीस स्टेशन ला गुन्हा दाखल करण्यात आला आहे. तपास सपोनी अमोल मोरे हे करीत असून पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधीकारी संदिप गावीत, यांचे मार्गदर्शनाखाली पोनी नजन पाटील, सपोनि अमोल मारे, पोउनि गणेश वाघमारे, पोउनि. गणेश चौभे, विजय पाटील, सचिन महाजन, अक्रम शेख,प्रितम पाटील, महेश महाजन, विजयसिग पाटील, कीरण चोधरी, सुधाकर आभोरे, इश्वर पाटील, प्रियंका कोळी यांनी ही कावाई केली.
