MIDC तील ढोर बाजाराजवळील इलेक्ट्रिक डीपीला आग; पोलिसांच्या सतर्कतेने आगीवर नियंत्रण
जळगाव (प्रतिनिधी)। जळगावातील एमआयडीसी परिसरातील ढोर बाजार जवळील इलेक्ट्रिक डीपीला आज दुपारी अचानक आग आल्याची घटना घडली. या घटनेमुळे परिसरात खळबळ उडाली होती. मात्र, पोलिस कॉ. यांच्या सतर्कतेमुळे डीपीच्या आगीवर नियंत्रण मिळवण्यात यश आले.
शहरातील एमआयडीसी परिसरातील ढोर बाजाराजवळ आज रोजी दुपारी इलेक्ट्रीक डीपीला आग लागली यावेळी सुदैवाने एमआयडीसी पोलिस स्टेशनचे हे.कॉ. गफुर तडवी व पो.कॉ. सुधीर साळवे असे दोघे गस्त घालत होते. त्यांचे या आगीकडे लक्ष गेल्याने त्यांनी तात्काळ याप्रकरणी पोलिस स्टेशनला कळवले. लागलीच अग्नीशमन विभागासह संबधीत विज विभागाला याप्रकरणी माहिती देण्यात आली. माहिती मिळताच या भागातील विजपुरवठा खंडीत करण्यात आला. काही वेळातच अग्नीशमन दलाच्या कर्मचा-यांनी आगीवर नियंत्रण मिळवले.
