राष्ट्रवादी काँग्रेसचे अध्यक्ष शरद पवार जळगाव मध्ये दाखल,विविध कार्यक्रमांना उपस्थिती
मंडे टू मंडे वृत्तसंकलन।
जळगाव,मंडे टू मंडे न्युज वृत्तसेवा। राष्ट्रवादी काँग्रेसचे अध्यक्ष शरद पवार हे आज शुक्रवार, १५ एप्रिल राेजी जिल्हा दाैऱ्यावर आले आहेत.एक दिवसाच्या जिल्हा दौर्यावर आलेले राष्ट्रवादी कॉंग्रेसचे अध्यक्ष शरद पवार , ना.जयंत पाटील, प्राजक्त तनपुरे यांचे विमानतळावर महापौर जयश्री महाजन यांनी पुष्पगुच्छ देऊन स्वागत केले.
याप्रसंगी ऍड.रवींद्र भैय्या पाटील , माजी मंत्री एकनाथ खडसे, रोहिणीताई खडसे खेवलकर, जिल्हा बँक अध्यक्ष गुलाबराव देवकर, राष्ट्रवादी कॉंग्रेस रविंद्र पाटील, आमदार अनिल भाईदास पाटील, आ.शिरीष चौधरी, माजी आमदार मनीष जैन आदींची उपस्थिती होती.
राष्ट्रवादी काँग्रेसचे सर्वेसर्वा खा.शरद पवार यांच्या उपस्थितीत धरणगाव तालुक्यातील चांदसर येथे दिवंगत माजी आमदार मुरलीधरअण्णा पवार यांच्या पुतळ्याचे लोकार्पण होणार आहे. तर यानंतर दुपारी चार वाजता शिवतीर्थ मैदानावर आयोजीत करण्यात आलेल्या लोकसंघर्ष मोर्च्याच्या कार्यक्रमाला ते उपस्थित राहणार आहेत.
