५५ गुरांची सुटका, पोलिसांची मोठी कारवाई, ८ संशयीत ताब्यात
जळगाव,मंडे टू मंडे न्युज वृत्तसेवा। जळगाव मधील मेहरूण भागामधील मास्टर कॉलनी, अक्सानगर परिसरात एमआयडीसी पोलीस स्टेशनच्या अधिकाऱ्यांनी धडक कारवाई केली. तेथून वाहनात अवैधरित्या कोंबून नेण्यात आलेली आणि कत्तलीसाठी आणलेली अशी ५५ बैल ताब्यात घेतली आहे. तसेच तीन वाहने आणि ८ संशयित आरोपी ताब्यात घेण्यात आले आहेत. त्यांच्यावर एमआयडीसी पोलीस स्टेशनला गुन्हा दाखल करण्यात आला आहे.
मास्टर कॉलनी, कुरेशी मोहल्ला, पिरजादे वाडा, अक्सा नगर या मेहरुण जळगाव भागात काही चोरीची जनावरे वाहनात अवैधपणे कोंबुन त्यांची कत्तलीसाठी वाहतुक करुन घेऊन जात आहे तसेच अवैध जनावरांची कत्तल करत आहे, बाबतची माहीती एमआयडीसी पोलीस स्टेशनला माहीती मिळाली होती. मिळाली. सकाळी मास्टर कॉलनी, मेहरुण येथे मोहीम राबवुन लेलँड वाहन (क्र. एम.एच १९ सीवाय २३३०, छोटा हत्ती वाहन क्र. एम.एच ४७ ई ३०१४, महींद्रो बोलेरो पिकअप वाहन क्र. एमएच १९ सीवाय ३२३९ असे वाहन मास्टर कॉलनीकडे जात असतांना पकडण्यात आले होते.
सदर वाहनात चोरुन कत्तलीकरीता व निर्दयतेने वाहतुक करीत असतांना एकुण १ लाख ९४ हजार रुपये किंमतीचे १५ नग बैल (गोवंश) पकडण्यात आले होते. सदरची वाहतुक ही शेख रज्जाक शेख रफिक, शेख रेहान शेख युसूफ कुरेशी (दोन्ही रा. वरणगांव जि जळगाव), अदनान कय्युम खान (रा. दत्तनगर,मेहरुण जळगाव), ईफतेखार शरीफ खान (रा मास्टर कॉलनी, जळगाव), सरफराज रहीम शेख (रा. मास्टर कॉलनी, जळगाव), सैय्यद वाजीद सैय्यद इब्राहीम (रा. रथ चौक, जुने जळगाव), सैय्यद अनीस सैय्यद हमीद मन्यार (मन्यार मोहल्ला, मेहरुण जळगाव) हे करीत असतांना मिळुन आले.
त्यांना ताब्यात घेवुन गुन्हा दाखल करण्यात आला होता व त्यांना अटक करण्यात आली होती. तसेच दुस-या कारवाईमध्ये अक्सानगर,मेहरुण जळगाव येथे पत्र्याचे शेड मध्ये असरार शेख मुक्तार शेख, त्याचा अल्पवयीन भाऊ, इफ्तेकार शेख, सत्तार शेख असे (रा अक्सा नगर, मास्टर कॉलनी, मेहरुण, जळगाव) असे गुन्हा करताना मिळून आले. कत्तल खाण्याजवळ ३ लाख १० हजार रुपये किंमतीचे ४० बैल (गोवंश) कोठुन तरी चोरी केलेले मिळुन आलेले होते. त्यांच्यावर गुन्हा दाखल करण्यात आला असुन असरार शेख मुक्तार शेख यास अटक करण्यात आलेली आहे. सदर एकुण केलेल्या कारवाई मधे ५ लाख ४ हजार रुपये किंमतीचे ५५ नग बैल (गोवंश) तसेच गुन्हयात वापरलेले १० लाख रुपये किंमतीचे ३ वाहने जप्त करण्यात आलेले आहे. ८ आरोपींना अटक करण्यात आली आहे.
सदरची कारवाई पोलीस निरीक्षक जयपाल हिरे, पोउनी दत्तात्रय पोटे, सफौ अतुल वंजारी, पोहेका प्रदीप पाटील, रामकृष्ण पाटील, राजेंद्र कांडेलकर, दिपक चौधरी, पोना, सचीन पाटील, योगेश बारी, ईमरान सेव्यद, किशोर पाटील, किरण पाटील, मंदार पाटील, चेतन पाटील, महिला पोलीस अंमलदार आशा पांचाळ यांनी कारवाई केली आहे. सदर गुन्हयाचा तपास पोउनी दत्तात्रय पोटे हे करीत आहेत.
