जळगाव मध्ये घडामोडींना वेग, “त्या” बॅनर ची मोठी चर्चा,काय आहे ‘ते’ बॅनर?
जळगाव, मंडे टु मंडे न्युज नेटवर्क l जळगाव मध्ये राजकीय घडामोडींना आता वेग आलाय. उन्मेश पाटील ठाकरे गटात प्रवेश करण्याआधी एक पोस्टर व्हायरल झालंय, ऐन निवडणूक काळात शिवसेना ठाकरे गटाचे पक्षप्रमुख उद्धव ठाकरे यांनी भाजपला धक्का देत भाजपच्या विद्यमान खासदाराला आपल्या पक्षात प्रवेश देत आहे. जळगावचे भाजपचे खासदार उन्मेश पाटील आज शिवसेना ठाकरे गटात प्रवेश करणार आहेत. उन्मेश पाटील यांच्या ठाकरे गटातील प्रवेशाआधी जळगाव मध्ये घडामोडींना वेग आला आहे. ठाकरे गटात पक्षप्रवेशापूर्वीच जळगावात करण पवार यांचं लोकसभा निवडणुकीच्या प्रचाराचं पोस्टर व्हायरल झालं आहे. ते पोस्टर मात्र चर्चेचा विषय बनलाय.
खा उन्मेश पाटील यांचा आज मुंबईत मातोश्रीवर ठाकरे गटात प्रवेश होणार आहे. भाजपचे विद्यमान खासदार उन्मेश पाटील यांच्यासह करण पवार यांचा शिवसेना ठाकरे गटात प्रवेश करणार आहेत. उन्मेश पाटील जरी ठाकरे गटात प्रवेश करणार असले तरी निवडणुकीची उमेदवारी मात्र करण पवार यांना मिळणार असल्याची माहिती आहे. त्यामुळे करण पवार हेच जळगाव लोकसभा जिंकतील, असे पोस्टर जळगावमध्ये व्हायरल झाले आहे.त्या पोस्टरची मोठी चर्चा सुरू आहे.
करण पवार यांनाच उमेदवारी मिळणार असल्याचं निश्चित झालं असल्याची माहिती मिळाली असून कालपासूनच त्यांच्या नावाचे प्रचाराचे बॅनर व्हायरल झाले आहेत. पोस्टरवर बाळासाहेब ठाकरे, उद्धव ठाकरे, आदित्य ठाकरे आणि संजय राऊत यांच्यासह उन्मेश पाटील यांचाही फोटो झळकला आहे. वेगवेगळ्या व्हॉट्सअप ग्रुपवर करण पवार यांच्यासह उन्मेश पाटील यांचं ठाकरे गटाच्या वतीने स्वागत केलं जात आहे.
उन्मेश पाटील सह कार्यकर्त्यांचा पक्षप्रवेश केव्हा?
उन्मेश पाटील हे आज शिवसेना ठाकरे गटात प्रवेश करतील. दुपारी १२ वाजता उन्मेश पाटील हे ठाकरे गटात प्रवेश करणार आहेत. त्यांच्यासोबत त्यांचे समर्थक नेते आणि कार्यकर्तेदेखील ठाकरे गटात प्रवेश करतील. यात करण पवार यांचं नाव आहे. करण पवार यांना जळगाव लोकसभेची उमेदवारी मिळणार असल्याची खात्रीलायक सुत्रांची माहिती आहे.
