पोलिस दलातील चौघा निरिक्षकांच्या बदल्या : मुक्ताईनगर PI पदी शंकर शेळके यांची नियुक्ती
मुक्ताईनगर प्रतिनिधी : जळगाव पोलिस दलातील चौघा पोलिस निरीक्षकांच्या बदल्या करण्यात आल्या आहेत. त्यात दोघांच्या विनंती तर दोघांच्या प्रशासकीय बदल्यांचा समावेश आहे. मुक्ताईनगरच्या पोलीस निरीक्षक पदी शंकर शेळके यांची नियुक्ती करण्यात आली आहे.
अधिक वृत्त असे की मुक्ताईनगर चे मागील पोलीस निरीक्षक यांची नुकतीच बदली करण्यात आली होती त्या जागी नवीन कोणाची नियुक्ती होते याकडे सर्वांचे लक्ष लागून होते आता मुक्ताईनगरच्या पोलीस निरीक्षक पदी धरणगाव येथून श्री शंकर विठ्ठल शेळके यांची नियुक्ती करण्यात आली असून ते लवकरच आपला पदभार स्वीकारतील अशी माहिती प्राप्त होत आहे
या निरीक्षकांच्या बदल्या
पारोळा पोलिस ठाण्याचे निरीक्षक संतोष नारायण भंडारे यांची जळगाव जिल्हापेठ पोलिस ठाण्यात बदली करण्यात आली आहे तर जळगाव जिल्हापेठचे पोलिस निरीक्षक रामदास वाकोडे यांची पारोळा पोलिस निरीक्षकपदी बदली करण्यात आली. जळगाव नियंत्रण कक्षातील राहुल सोमनाथ खताळ यांची धरणगाव पोलिस ठाण्यात बदली करण्यात आली आहे तर धरणगावचे शंकर विठ्ठल शेळके यांची मुक्ताईनगर पोलिस ठाण्यात बदली करण्यात आली आहे.
