जळगाव जिल्ह्यातील पोलीस निरीक्षकांच्या बदल्या, जाणून घ्या कुणाची कुठे बदली!
जळगाव, मंडे टू मंडे न्युज वृत्तसेवा। जळगाव जिल्ह्यातील पोलीस निरीक्षकांच्या बदल्यांचे आदेश शनिवारी सायंकाळी उशिरा काढण्यात आले. जिल्हा पोलीस अधीक्षक एम.राजकुमार यांनी नऊ अधिकार्यांच्या बदल्यांचे आदेश जारी केले.
भुसावल येथील बाजारपेठ पोलिसस्टेशनचे तत्कालीन पोलीस निरीक्षक राहुल गायकवाड यांच्यासह तिघांवर लाच प्रकरणी १८ जुलैला कारवाई झाल्यानंतर तेव्हा पासून पद रीक्त होते. भुसावळ बाजारपेठ पोलीस निरीक्षकपदी जिल्हापेठ पोलीस ठाण्याचे बबन आव्हाड यांची नियुक्ती करण्यात आली आहे.
यांच्या झाल्या बदल्या – नियंत्रण कक्षाचे सचिन सानप यांची पहूर पोलीस निरीक्षकपदी, नियंत्रण कक्षाचे विशाल जैस्वाल यांची जिल्हापेठ पोलीस ठाणे निरीक्षकपदी, नियंत्रण कक्षाचे बबन जगताप यांची सायबर पोलीस ठाणे निरीक्षकपदी, नियंत्रण कक्षाचे सुनील पवार यांची पारोळा पोलीस निरीक्षकपदी, नियंत्रण कक्षाचे अनिल भवारी यांची जळगाव शहर पोलीस निरीक्षकपदी, जिल्हापेठचे निरीक्षक बबन आव्हाड यांची भुसावळ बाजारपेठ पोलीस निरीक्षकपदी, जिविशा शाखेचे रंगनाथ धारबळे यांची शनीपेठ पोलीस ठाणे निरीक्षकपदी, भुसावळ तालुक्याचे विलास शेंडे यांची जिविशा शाखेत निरीक्षकपदी, तर भुसावळ वाचक तथा सहाय्यक निरीक्षक रुपाली चव्हाण यांची भुसावळ शहर वाहतूक शाखेत नियुक्ती करण्यात आली आहे.
