अज्ञात वाहनांची दुचाकीला धडक : दोन तरुण ठार !
जळगाव, मंडे टू मंडे न्युज वृत्तसेवा : भुसावळ वरून जळगावकडे जात असलेल्या दुचाकीला आज संध्याकाळी दूरदर्शन टॉवरजवळ अज्ञात वाहनाने उडविल्याने शहरातील दोन युवकांचा मृत्यू झाल्याचे घटना घडली आहे.
भुसावळ येथे कामानिमित्त गेलेले परवेज निसार खाटीक वय-२२, लक्ष्मीनगर, जळगाव आणि आमीर जाकीर खाटीक वय-२२, उस्मानिया पार्क शनिवारी संध्याकाळच्या ७:१५ वाजेच्या सुमारास परत येत असतांना दूरदर्शन टॉवरच्या समोरच्या रोडवर त्यांच्या दुचाकीला अज्ञात वाहनाने जोरदार धडक दिली. या धडकेत परवेज हा जागीच ठार झाला. तर, आमिर हा गंभीर जखमी झाल्याने त्याला जिल्हा रूग्णालयात दाखल करण्यात आले. परंतु उपचार दरम्यान त्याचा मृत्यू झाला.
याप्रकरणी मृत्यूची नोंद करण्याचे काम सुरू असून अज्ञात वाहन चालकाने घटनास्थळावरून पसार झाला असून पोलिस त्याचा शोध घेत आहे.
