रस्त्यावर उभ्या ट्रकला रिक्षांची धडक; एकाचा मृत्यू तर रिक्षा चालक जखमी !
जळगाव (प्रतिनिधी)। रस्त्याच्या मध्यभागी उभ्या असलेल्या ट्रकला कामावरन घरी जात असतांना रिक्षा धडकल्याने झालेल्या अपघातात १ जणांचा उपचारादरम्यान मृत्यू झाल्याची घटना सोमवारी रात्री उशीरा घडली आहे.
यासंदर्भात अधिक असे की, १४ सप्टेंबर रोजी रात्री १० वाजेच्या सुमारास नेहमीप्रमाणे रविंद्र मधुकर जोशी (वय-४०) रा. एमडीएस कॉलनी हे कामावरून घरी रिक्षाने क्रमांक (एमएच १९ व्ही ७५०१) ने अंजिठा चौफुलीकडून रामेश्वर कॉलनी येथे जात असतांना जळगाव औरंगाबाद महामार्गावरील हॉटेल त्रिमुर्ती जवळ रस्त्याच्या मध्यभागी उभा असलेला ट्रक क्रमांक (एमएच ४१ जी ५२२९) वर रिक्षा आदळल्याने या अपघातात चालकासह रविंद्र जोशी हे गंभीर जखमी झाल्याने जोशी यांना गंभीरवस्थेत तातडीने देवकर कॉलेज येथील शासकीय रूग्णालयात दाखल केले असता वैद्यकिय अधिकारी डॉ. अतुल पाटील यांनी जोशी यांना मृत घोषीत केले. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे. सदरील रस्त्यावरील उभी असलेली ट्रक पोलीसांनी ताब्यात घेतली असून ट्रक चालकाविरोधात गुन्हा दाखल करण्यात आला आहे, ट्रक चालक फरार आहे.
