विवाहितेची गळफास घेऊन आत्महत्या
जळगाव, मंडे टू मंडे न्युज । शहरातील आंबेडकरनगरात राहणाऱ्या २९ वर्षीय विवाहितेने आत्महत्या केल्याची धक्कादायक घटना दुपारी उघडकीला आली असून शनिपेठ पोलीस स्थानकात अकस्मात मृत्यूची नोंद करण्यात आली आहे.
याबाबत वृत्त असे की, शहरातील लक्ष्मी सचिन सैंदाणे (वय २९) आंबेडकरनगरात राहणाऱ्या या विवाहित महिलेने आपल्या राहत्या घरात गळफास घेऊन आत्महत्या केल्याची घटना मंगळवार रोजी दुपारी उघडकीला आली आहे. आत्महत्येचे कारण अध्याप स्पष्ट झालेले नसून घटनेची माहिती कळताच शनिपेठ पोलिसांनी घटनास्थळी धाव घेऊन पंचनामा करून मृतदेह शासकीय वैद्यकीय महाविद्यालय व रुग्णालयात नेण्यात आले. तपासणी करुन मृत घोषित केले. याप्रकरणी शनिपेठ पोलीस स्थानकात अकस्मात मृत्यूची नोंद करण्यात आली आहे.
