Breaking : तरूणाचा शेतात संशयास्पद मृतदेह; हत्येची शक्यता
Jalgaon मंडे टू मंडे न्युज वृत्तसेवा : भादली येथील तरूणाचा आज सकाळी नशिराबाद गावाजवळील कडगाव फाट्याजवळ संशयास्पद मृतदेह आढळून आल्याच्या घटनेमुळे परिसरात खळबळ उडाली आहे. नशिराबाद पोलीसांनी घटनास्थळी दाखल झाले आहे.
नशिराबाद पोलीस हद्दीतील कडगाव रस्त्यावरील पाटचारी जवळील शेतात जाणाऱ्या मजूरांना बुधवार १० ऑगस्ट रोजी सकाळी ७ वाजता जळगावातीळ एका खासगी फायनान्स कंपनीत कामाला असलेल्या संदेश लिलाधर आढाळे (वय २२) रा. डोंगरकठोरा. ता. यावल ह.मु. भादली याचा मृतदेह आढळून आला त्याच्या पोटावर आणि डोक्यावर घाव असल्याने त्याचा खून करण्यात आल्याचा संशय व्यक्त केला जात आहे.
संदेशचे वडील खासगी वाहन चालक असून ते नाशिक येथे राहतात. नशिराबाद पोलीस ठाण्याचे सहाय्यक पोलीस निरीक्षक अनिल मोरे व पोलीस कर्मचारी यांनी घटनास्थळी धाव घेवून पाहणी केली असून याबाबत नशिराबाद पोलीस ठाण्यात अकस्मात मृत्यूची नोंद घेण्याचे काम सुरू आहे.
