बहिणाबाई चौधरी उत्तर महाराष्ट्र विद्यापीठाच्या ऑनलाईन परिक्षा आजपासून
Monday To Monday NewsNetwork।
जळगाव (प्रतिनिधी)। कवयित्री बहिणाबाई चौधरी उत्तर महाराष्ट्र विद्यापीठाच्या पदवी व पदव्युत्तर वर्गाच्या द्वितीय सत्रातील ऑनलाईन लेखी परिक्षांना आजपासून सुरुवात होत आहे.
कवयित्री बहिणाबाई चौधरी उत्तर महाराष्ट्र विद्यापीठाच्या शैक्षणिक वर्ष २०२०-२१मधील पदवी व पदव्युत्तर वर्गाच्या द्वितीय सत्रातील लेखी परीक्षांना आजपासून प्रारंभ होत आहे. परीक्षादरम्यान वीजपुरवठा खंडीत झाल्यास अथवा तांत्रिक दोष निर्माण झाल्यास विद्यार्थांनी घाबरून न जाता विद्यापीठ प्रशासनाने दिलेल्या सूचनांचे पालन करण्याचे आवाहन विद्यापीठाने केले आहे. या परीक्षा ऑनलाइन पद्धतीने वस्तुनिष्ठ व बहुपर्यायी स्वरुपात घेतल्या जाणार आहेत.या परिक्षांमध्ये पदवी स्तरावरील परीक्षेसाठी ९० मिनिटे व पदव्युत्तर स्तरावरील १२० मिनिटे असा कालावधी राहील. दिव्यांग विद्यार्थ्यांना नियमाप्रमाणे अतिरिक्त वेळ दिला जाणार आहे. ऑनलाइन परीक्षेच्या नियमावलीची माहिती परिपत्रकाद्वारे विद्यापीठाने प्रत्येक परीक्षार्थीस दिली आहे. विद्यार्थ्यांनी दिलेल्या नियमावलीचे पालन करावे असे विद्यापीठा कडून सांगण्यात आले आहे.
