खळबळजनक : वृध्द महिलेच्या खून करून अंगावरील सोने चांदीचे दागिने चोरले
मंडे टू मंडे न्यूज वृत्तसेवा : जामनेर तालुक्यात मध्यरात्री घरात दरोडा टाकुन वृध्द महिलेचा गळा दाबून खून करून तिच्या अंगावरील सोन्याचे व चांदीचे दानिगे चोरून नेल्याची धक्कादायक घटना समोर आली असून घटनेमुळे परिसरात भितीचे वातावरण आहे.
- सोळा वर्षाखालील मुलांना सोशल मीडियावर बंदी, कोणत्या देशाने केले फर्मान
- महायुतीचे उमेदवार अमोल जावळे यांना रावेर तालुक्यात जोरदार प्रतिसाद,जावळेंना निवडून आणण्याचा मतदारांचा निर्धार
- रावेर तालुक्यात २२ लाखांचा गुटखा जप्त, गुटखा तस्करांमध्ये खळबळ
याबाबत मिळालेली माहिती अशी, गोद्री ता. जामनेर येथील मानबाबाई सरदार तडवी (वय ८५) ह्या २१ जून रोजी सायंकाळी जेवण करून आपल्या घरात झोपल्या असतांना मध्यरात्री संशयित आरोपी बब्बू सांडू तडवी (वय २७) रा. भारूडखेडा पहूर ता. जामनेर याने वृध्द महिलेचा गळा दाबून खून केला आणि अंगावारील सोन्याचे बाळ्या, चांदीच्या पाटल्या असा एकुण ३२ हजार ६०० रूपये किंमतीचा मुद्देमाल जबरीने चोरून नेला.
याप्रकरणी मयत मानबाबाई यांच्या सुन शेनफडाबाई बलदार तडवी यांनी पहूर पोलीस ठाण्यात दिलेल्या फिर्यादीवरून संशयित आरोपी बब्बू सांडू तडवी याच्या विरोधात दरोडा आणि खूनाचा गुन्हा दाखल करण्यात आला असून संशयित आरोपीला अटक करण्यात आली आहे. पोलीस निरीक्षक प्रताप इंगळे पुढील तपास करीत आहे.
