अखेर जळगांव मधून जयश्री महाजन मशाल घेऊनच मैदानात, एबी फॉर्म घेऊन जळगावकडे रवाना !
जळगाव, मंडे टू मंडे न्यूज प्रतिनिधी |जळगांव शहर मतदारसंघातून (jalgaon assembly election) माजी महापौर जयश्री सुनील महाजन ( jayshree mahajan) या राष्ट्रवादीच्या तुतारीघेऊन लढणार असल्याच्या चर्चा असताना अखेर जळगांव मधून जयश्री महाजन शिवसेना उद्धव बाळासाहेब ठाकरे पक्षाची मशाल घेऊनच मैदानात उतरल्या आहे. त्यांचें पती सुनिल महाजन पक्षाचा एबी फॉर्म घेऊन जळगांव कडे रवाना झाले आहेत.
आज मातोश्रीवर जयश्री महाजन यांची उमेदवारी निश्चित झाली असून त्यांची पती तथा माजी विरोधी पक्षनेता सुनील महाजन यांनी त्यांच्या वतीने एबी फॉर्म स्वीकारल्याची माहिती जयश्री महाजन यांचे स्वीय सहाय्यक ललित धांडे यांनी मंडे टू मंडे न्युज शी बोलताना दिली आहे.
जळगाव शहराची जागा महाविकास आघाडीत नेमकी कोणत्या पक्षाला सुटणार याबाबत संभ्रमाचे वातावरण होते. यातच जयश्री महाजन राष्ट्रवादी काँग्रेस पक्ष शरदचंद्र पवार या पक्षाच्या वतीने तुतारी हातात घेऊन लढणार असल्यची चर्चा देखील सुरू होती. मात्र अखेर आज जळगांव मतदारसंघातून जयश्री महाजन शिवसेना उद्धव बाळासाहेब ठाकरे पक्षाचीच मशाल घेऊनच मैदानात उतरणार आहे.
