बंदुकीमध्ये वापरणाऱ्या ए के ४७ गोळ्या चोरून नेताना कनिष्ठ अभियंत्याला अटक
वरणगाव, ता.भुसावळ. मंडे टु मंडे न्युज नेटवर्क l भुसावळ तालुक्यातील वरणगाव आयुध निर्माण फॅक्टरीतील आयुध निर्माणीतील गुणवत्ता चाचणीचे कनिष्ठ प्रबंधकांना स्कुटरच्या होड लाईट मध्ये पाच ए .७ .६२ चे गोळ्या मोटर सायकलीत लपवून घेऊन जात असताना सुरक्षा विभागाने पकडल्याची घटना दि. २६ बुधवार रोजी निर्माणीच्या मुख्य प्रवेशद्वाराजवळ घडली.
वरणगाव आयुध फॅक्टरीतील गुणवत्ता अश्वासक विभागाचे कनिष्ठ अभियंता सतिष जयसिंग इंगळे हे दि.२५ जून बुधवार रोजी दुपारी १ वाजेच्या सुमारास जेवणाच्या सुट्टीत निर्माणीच्या मुख्य प्रवेशद्वारावर आपल्या मोटर सायकल क्र एम एच १९ ए टी १५०४ या दुचाकीने बाहेर जात असताना त्यावेळी कर्तव्यावर असलेले सुरक्षा रक्षक सी.व्ही. भारंबे यांनी त्यांच्या अंगाची झडती घेतली. दुचाकीची तपासणी केल्यानंतर दुचाकीच्या हेडलाईडच्या वरच्या भागात गाडी पुसण्याच्या कपड्यात ए के ४७ बंदुकीमध्ये वापरणारी ए ७. ६२ च्या पाच गोळ्या चोरीच्या उद्देशाने घेऊन जात असल्याचे आढळून आल्याचे निष्पन्न झाले.
या संदर्भात निर्माणी सुरक्षा अधिकारी संभाजी सुधाकर पाडवे यांच्या फिर्यादीवरून वरणगाव पोलीस स्टेशनला गुन्हा दाखल करण्यात असून सतिष जयसिंग इंगळे यांना अटक करण्यात आली आहे. या संदर्भात पुढील तपास वरणगाव पोलिस स्टेशन चे पोलिस उपनिरीक्षक गणेश देशमुख हे करीत आहेत.
