खिर्डी खु येथील पडक्या अवस्थेत असलेले शौचालय नेस्तनाबूत करण्याची मागणी
मंडे टू मंडे वृत्तसंकलन।
खिर्डी ता.रावेर,मंडे टू मंडे वृत्तसेवा। रावेर तालुक्यातील खिर्डी खु. येथील नवीन गावठाण परिसरात सुमारे तीस ते पस्तीस वर्षापूर्वी महिलांकरिता शौचालय बांधण्यात आले होते.ते जीर्णावस्थेत असल्याने ते बंद करण्याची मागणी करण्यात येत आहे.
त्या शौचालयाच्या ठिकाणी पाणी,वीज यांची व्यवस्था नसल्याने महीलांची गैरसोय होत असल्यामुळे तसेच सेप्टिक टॅंक सांडपाण्यामुळे पूर्णतः भरल्याने या भागात राहणाऱ्या नागरिकांना या गोष्टीचा मोठ्या प्रमाणात त्रास होत असे त्यामुळे येथील नागरिकांनी कायमस्वरूपी शौचालय बंद केले असून त्या ठिकाणी असलेले सेप्टिक टॅंक वरील फरशा गायब झाल्याने ते सध्या उघडे आहे.परिसरात लहान मुले खेळत असतात परंतु कोणाचे मुल त्या ठिकाणी खेळत असतांना पडू नयेत या करिता पडक्या अवस्थेत असलेले जीर्ण व पडके शौचालय ग्राम पंचायत प्रशासनाने लक्ष देवून त्वरित नेस्तनाबूत करण्यात यावे अशी मागणी नागरिकांनी केली आहे.
