खिर्डी परिसरात अवैध देशी, हातभट्टी दारू विक्री जोमात संबंधित प्रशासन मात्र कोमात
मंडे टू मंडे वृत्तसंकलन।
खिर्डी ता.रावेर,मंडे टू मंडे वृत्तसेवा। रावेर तालुक्यातील खिर्डी परिसर भागात अवैद्य रित्या देशी व हातभट्टी दारुची मोटर सायकल द्वारे मोठ्या प्रमाणात तस्करी होत आहे.अवैध दारू विक्री होत असुन याकडे राज्य उत्पादन शुल्क विभागाचे दुर्लक्ष होताना दिसत आहे.यामुळे परिसरातील अनेक गावातील तरुण पीढी सुध्दा दारुच्या आहारी जात आहे.
तसेच तळीराम दिवसभर देशी व हातभट्टीची दारू पिऊन गावभर फिरतात यामुळे येथून जाणाऱ्या येणार्या सर्वसामान्य लोकांना तळीरामांपासुन ञास होत आहे,दारुमुळे कित्येकांचे संसार देशोधडीला लागले आहे.माञ याकडे सर्वांचेच दुर्लक्ष होत आहे. तसेच या भागातील अनेक गावांत अवैध देशी व हातभट्टी दारुची विक्री होत आहे. यामुळे तळीरामांना तर चांगलेच फावले आहे. परिसरातील आजूबाजूच्या गावांमध्ये “दिन दहाडे” अवैध देशी व हातभट्टी दारू विक्री धंद्यांना उत आला असुन राज्य उत्पादन शुल्क विभागाचे जाणून बुजून दुर्लक्ष होत आहे. परिसरात कुठे काय अवैध व्यवसाय सुरू आहेत याची माहिती असूनही वेळीच योग्य ती कारवाई केली जात नसल्याने याचा त्रास सर्वसामान्य नागरिकांना नेहमी होत असतो.
