खिर्डी खु येथे आंबेडकर जयंती मोठ्या उत्साहात साजरी
खिर्डी ता.रावेर,मंडे टू मंडे न्युज प्रतिनिधी। खिर्डी खु येथे आज परमपूज्य विश्वरत्न डॉ. बाबासाहेब आंबेडकर यांची जयंती मोठ्या उत्साहात साजरी करण्यात आली. कोरोना महामारीच्या प्रादुर्भावामुळे दोन वर्षे पडलेल्या खंडामुळे यंदा विश्वरत्न डॉ बाबासाहेब आंबेडकर यांच्या जयंतीला उधाण आल्याचे दिसत होते.
बाजारपेठ परिसरातील बौद्ध विहार मध्ये डॉ. बाबासाहेब आंबेडकर यांच्या प्रतिमेला अभिवादन करण्यासाठी सकाळपासूनच भीम अनुयायी गर्दी करत होते.भारतीय संविधानाचे शिल्पकार भारतरत्न डॉ. बाबासाहेब आंबेडकर यांची १३१वी जयंती आज मोठ्या उत्साहात साजरी करण्यात आली. सरपंच व ग्रा पंचायत सदस्य,पोलीस पाटील, अनुश्री कन्स्ट्रक्शन चे संचालक कैलास कोचुरे,सामाजिक कार्यकर्ते हरी कोचुरे यांनी महामानवास पुष्पहार अर्पण करून अभिवादन केले.या प्रसंगी समस्त बौद्ध समाज बांधव उपस्थित होते
