खिर्डी येथे सामाजिक ऐक्य व जातीय सलोखा स्वाक्षरी मोहिमेस उदंड प्रतिसाद
खिर्डी,ता.रावेर,मंडे टू मंडे न्युज,भिमराव कोचुरे। जळगांव जिल्हा पोलीस दलातर्फे सामाजिक सलोखा, ऐक्य राखण्यासाठी निंभोरा पोलीस स्टेशन अंतर्गत स्वाक्षरी व संदेश मोहीमेस दि. ८.मे.रविवार रोजी सकाळी १०.वाजेच्या सुमारास खिर्डी येथील बस स्टॅन्ड परिसरात सहाय्यक पोलीस निरीक्षक श्री.गणेश धुमाळ यांच्या उपस्थितीत व सर्वधर्मीय मान्यवरांच्या उपस्थितीत स्वाक्षरी मोहिमेस प्रारंभ करण्यात आला.
निंभोरा पोलीस स्टेशन परिसरातुन सर्व शांतता कमेटी सदस्य, महिला दक्षता समिती सदस्य, पत्रकार बंधु , निंभोरा ग्रामपंचायत सर्व सन्मानिय सदस्य, पोलीस मित्र, तंटामुक्ती अध्यक्ष, तसेच परिसरातील हिंदु मुस्लिम व इतर सर्व बांधव, सर्वांनी या स्वाक्षरी मोहीमेत भाग घेऊन सहकार्य केले. या स्वाक्षरी मोहीमेस गावातुन , परिसरातुन नागरिकांचा उदंड प्रतिसाद मिळाला.
