दिव्यांग बांधवाला आ.चंद्रकांत पाटील यांच्यातर्फे सायकल भेट
मंडे टू मंडे वृत्तसंकलन।
खिर्डी ता.रावेर, भिमराव कोचुरे : खिर्डी येथे तर्फे दिव्यांग बांधवाला सायकल वाटप करण्यात आली. दिनांक १० मार्च रोजी खिर्डी खुर्द येथील ग्रामपंचायत कार्यालयाच्या जवळ मुक्ताईनगर मतदार संघाचे आमदार चंद्रकांत भाऊ पाटील यांच्या स्वखर्चातून खिर्डी येथील अपंग एकनाथ नारायण न्हावी यांना जेष्ठ शिवसैनिक धोटू पाटील यांच्या हस्ते अपंग सायकल देण्यात आली.
अपंग नागरिकाला पायी चालत जाणे शक्य नसल्याने त्यांचे हाल होऊ नये म्हणून आमदार चंद्रकांत भाऊ पाटील यांच्या कडून अपंग सायकल देण्यात आली. सायकल मिळाल्याने अपंग व्यक्तीच्या चेहऱ्यावर समाधान दिसून आले यावेळी खिर्डी खुर्द सरपंच राहुल फालक, अलताब बेग, निळकंठ बढे, जाकीर पिंजारी, घनश्याम पाटील, चंद्रकांत बढे, नितीन खाचणे आदी उपस्थित होते.
