रावेर येथे वंचित बहुजन आघाडीत मुस्लिम,कोळी,तडवी,बौद्ध,समाजाच्या कार्यकर्त्यांचा प्रवेश…
Monday To Monday NewsNetwork।
खिर्डी ता.रावेर (प्रतिनिधी)।रावेर येथे वंचित बहुजन आघाडी कार्यालयात सकाळी 11:30 वा. मुस्लिम, कोळी, तडवी, बौद्ध समाजाच्या कार्यकर्त्यांनी जाहीर प्रवेश केला. वंचित बहुजन आघाडीचे राष्ट्रीय अध्यक्ष श्रद्धेय माजी खासदार बाळासाहेब तथा प्रकाश जी आंबेडकर यांच्या नेतृत्वावर विश्वास ठेवून वंचित बहुजन आघाडी या पक्षात जाहीर प्रवेश करण्यात आला.
जिल्हाध्यक्ष विनोद भाऊ सोनवणे यांची काम करण्याची पद्धत गोरगरीब जनतेसाठी रात्री-बेरात्री धावुन येणे. तसेच फैजपूर येथील मधुकर साखर कारखान्याच्या कर्मचाऱ्यांचे व कामगारांचे गेल्या काही महिन्यांपासून पगार न होणे कर्मचाऱ्यांवर उपासमारीची वेळ आली असून वंचित बहुजन आघाडीचे जिल्हाध्यक्ष विनोद भाऊ सोनवणे यांनी कर्मचाऱ्यांना पगार दिल्याशिवाय शांत बसणार नाही असे कारखान्याचे चेअरमन व डायरेक्टर बॉडी यांच्याकडे मागणी केली आहे. तसेच रावेर तालुका अध्यक्ष बाळू शिरतुरे यांनी वंचित बहुजन आघाडी पक्ष वाढवण्यासाठी गावोगावी खेड्या पाड्या वरती बैठका घेऊन सर्व समाजातील लोकांना वंचित बहुजन आघाडी हा एकमेव पक्ष आहे की गेल्या वर्षी covid19 काळामध्ये वंचित बहुजन आघाडी च्या माध्यमातून गोरगरीब जनतेला अन्नपुरवठा केला व सर्वतोपरी मदत केली आजही गोरगरीब जनतेच्या प्रश्नांसाठी श्रद्धेय बाळासाहेब तथा प्रकाशजी आंबेडकर रात्रंदिवस झटत आहे. या देशात एकच नेता आहे आणि ते बाळासाहेब प्रकाश आंबेडकर आहे म्हणून सर्व बहुजन समाजातील तळागाळातील जनतेने वंचित बहुजन आघाडी या पक्षात प्रवेश केला पाहिजे व एक हाती सत्ता कशी येईल यासाठी प्रयत्न केले पाहिजे आणि बाळासाहेब तथा प्रकाशजी आंबेडकर यांचे हात मजबूत करून या महाराष्ट्राचा मुख्यमंत्री बाळासाहेब आंबेडकर हेच झाले पाहिजे.
आजचा हा प्रवेश सोहळा रावेर शहराध्यक्ष अब्बास भाई यांच्या नेतृत्वाखाली झालेला आहे. वंचित बहुजन आघाडी मध्ये प्रवेश केलेल्या कार्यकर्त्यांची नावे शेख अजित से कालू, शेख रियाज शेख इलियास, शेख सोहेब शेख गुलाम, सलीम शहा, मेहबूब शहा, योगेश कोळी, नबाब गुलाब तडवी, दौलत अढांगळे, प्रभाकर तायडे, इत्यादी कार्यकर्त्यांनी वंचित बहुजन आघाडी या पक्षात जाहीर प्रवेश केला त्यांचा सत्कार जिल्हा उपाध्यक्ष रफिक बेग, रावेर तालुका अध्यक्ष बाळू शिरतुरे, रावेर तालुका उपाध्यक्ष सलीम शहा, रावेर शहराध्यक्ष अब्बास भाई यांनी प्रवेश केलेल्या कार्यकर्त्यांचा सत्कार केला. याप्रसंगी प्रकाश तायडे, अजय तायडे, बन्सी लहासे, संघरत्न शिरतुरे, नितीन तायडे, वंचित बहुजन आघाडीचे कार्यकर्ते व पदाधिकारी उपस्थित होते.
