भामलवाडी येथून १ लाख ३० हजाराच्या ३ म्हशींची चोरी, गुन्हा दाखल
मंडे टू मंडे वृत्तसंकलन।
खिर्डी ता.रावेर,प्रतिनिधी। रावेर तालुक्यातील भामलवाडी येथील शेतकरी गुलाब मिठाराम पाटील यांच्या मालकीच्या १,३०,००० रू.किमतीच्या म्हशींची अज्ञाताने केली चोरी .
या बाबत सविस्तर वृत्त असेकी,खिर्डी रस्त्यावर असलेल्या गट नं १८९ या शेताच्या बांधावर गोठा बांधला असून गोठ्यात ३ म्हशी,१ पारडू, १ वासरु अशी गुरे गोठ्यात बांधलेली होती.२७ जाने रोजी रात्री ८ वा.शेतकरी घनश्याम गुलाब पाटील व त्याचा मुलगा हे सोबत गुरांना चारा पाणी करून घरी परत आले. २८ जाने रोजी सकाळी ६ वाजेच्या सुमारास त्याची दोन्ही मुल घनश्याम व मोहन पाटील हे म्हशीचे दूध काढण्यासाठी गोठ्यात गेले असता त्यांना तिथे बांधलेल्या म्हशी न दिसल्याने त्यांनी गावातील त्याचे मित्र डिगंबर साहेबराव पाटील,ज्ञानेश्वर सोपान पाटील,प्रमोद माणिकराव पाटील यांनी आजूबाजूच्या शेतात शोध घेतला असता म्हशी न मिळून आल्याने गोठ्यातील मागील बाजूने लावलेली तारांची जाळी निघालेली दिसली व त्याठिकाणी म्हशीच्या पाऊल खुणा दिसल्याने म्हशीच्या पाऊल खुणा शोध घेत पुढे गेले असता बलवाडी येथील शेतकरी मुरलीधर चिंतामण चौधरी यांच्या शेताजवळ असलेल्या शेण खताच्या ढिागा पर्यंत पाऊल खुणा दिसल्याने येथून पुढे पाऊल खुणा न आढळून आल्याने अज्ञात चोरट्यांनी म्हशी चोरून नेल्याची खात्री झाली तसेच आजूबाजूच्या गावात शोध घेतला असता म्हशी मिळून आल्या नाही.या बाबत अज्ञात चोरट्याविरुद्ध निंभोरा पोलीस स्टे.ला गुन्हा दाखल करण्यात आला आहे. निंभोरा पो स्टे. स.पोनि.स्वप्नील उनवणे यांच्या मार्गदर्शनाखाली पुढील तपास एएसआय.राजेंद्र पाटील करीत आहे.
