राज्यात आजही पाऊस, पुन्हा पावसाचा जोर वाढणार
पुणे, मंडे टू मंडे न्युज नेटवर्क l गेल्या आठवड्यात राज्यात चांगला पाऊस पडला. अनेक जिल्ह्यांत तर मुसळधार पावसाने हजेरी लावली. गेल्या तीन दिवसांपासून पाऊस काही ठिकाणी कमी अधिक प्रमाणात होत आहे. आता त्यातच आज पुन्हा हवामान खात्यान पावसाची शक्यता वर्तवली आहे.
आज जळगाव, पुणे, कोल्हापूर, सातारा, संभाजीनगर, जालना, परभणी, हिंगोली, नांदेड, रायगड, रत्नागिरी, सिंधुदुर्ग या जिल्ह्यांना तसेच विदर्भातील सर्व जिल्ह्यांना देखील आज पावसाचा यलो अलर्ट देण्यात आला आहे . इथे वादळी वारा आणि विजांच्या कडकडाटासह पाऊस हजेरी लावेल. पुढील २-३ दिवस इथे पावसाचा जोर कायम राहण्याची शक्यता आहे. कोकण मध्य महाराष्ट्र, आणि विदर्भात मध्यम हलक्या स्वरुपाच्या पावसाची शक्यता आहे. पुढील ५ ते ७ दिवस मध्य महाराष्ट्र आणि मराठवाड्यात काही ठिकाणी तसेच विदर्भात अधून मधून पावसाच्या सरी कोसळण्याचा अंदाज आहे. असून ऑगस्टच्या दुसऱ्या आठवड्यात पुन्हा पावसाचा जोर वाढणार असल्याचं हवामान खात्याने म्हटलं आहे.
