मुंजलवाडी शेत शिवारात बिबट्याचा गायीच्या वासरावर हल्ला, तीन वर्षाचे वासरू केले फस्त
मुंजलवाडी, ता. रावेर. मंडे टु मंडे न्युज. चंद्रकांत वैदकर l रावेर तालुक्यातील मुंजलवाडी गावापासुन सुमारे १ किलो मीटर अंतरावर असलेल्या देवराम बळीराम पाटील यांच्या शेतात याकुब लालखा तडवी यांची गुरे बसवण्यात आले होते. आज दि . २१ मार्च शुक्रवार रोजी सकाळी ७ वाजेच्या सुमारास बिबट्याने गुरांवर अचानक हल्ला करून गायीच्या ३ वर्षाच्या वासरावर हल्ला करत त्याला पकडून घेऊन जात असतांना गुरेकरी याकुब तडवी यांच्या लक्षात येताच त्यांनी सुद्धा बिबट्याचा जवळ पास अर्धा किलोमीटर पाठलाग करून वासराला सोडविले.
बिबट्याने वासराचे माने पासुन दोन भाग वेगळे केले होते. ही घटना मुंजलवाडी गावात वाऱ्यासारखी पसरताच मुंजलवाडी गावतील पोलिस पाटील राधेश्याम सोनवणे, सरपंच अशोक हिवराळे, अतुल पाटील यांनी पाहणी करुण वनविभागाला या बाबत सुचवले असता रावेर वन अधिकारी अजय भवणे यांच्या सूचनेनुसार वन रक्षक ए एच पिंजारी, वन मजुर गुलाब बेग यांनी घटना स्थळी भेट देऊन पंचनामा केला.
गुरेकरी याकुब लालखा तडवी मुंजलवाडी याची हालाकीची परिस्थिती असुन कुटुंबांचे उदरनिर्वाह यांच्यावरच असून त्यांचे झालेले २५ हजार रुपयांचे नुकसान भरपाई शासनाने द्यावी अशी मागणी केली जात असून, शेतकरी तसेच ग्रामस्थांनी रात्रीच्या वेळेस शेतात जात असतांना एकटे न जाता सामुहीक पद्धत ने जावे असे आवाहन वन रक्षक यांनी ग्रामस्थांना केले आहे.
