सावद्यात प्रधानमंत्री किसान समृध्दी केंद्राचे उद्घाटन कार्यक्रमाचे थेट प्रक्षेपण !
Monday To Monday News Network |
सावदा, मंडे टू मंडे न्युज वृत्तसेवा | प्रधानमंत्री किसान समृद्धी केंद्र उद्घाटन तसेच साडेआठ कोटी शेतकऱ्यांना पीएम किसान योजनेच्या चौदाव्या हप्त्याचे हस्तांतरण निमित्त आज दिनांक २७ जुलै २०२३ रोज गुरुवार रोजी पंतप्रधान नरेंद्र मोदी यांनी देशभरातील तमाम शेतकऱ्यांसोबत ऑनलाईन संवाद साधला.
भारतीय जनता पार्टी सावदा शहर च्या वतीने सावदा शहरात दोन कृषी केंद्रांवर कार्यक्रमाचे थेट प्रक्षेपण आयोजित करण्यात आले होते. दोन्ही कृषी केंद्रांवर परिसरातील शेतकरी बंधूंनी उपस्थित राहून पंतप्रधान नरेंद्र मोदीच्या संबोधनास व त्यांच्या कार्यास समर्थन म्हणून ९०९०९०२०२४ या क्रमांकावर मिस्ड कॉल करून आपला पाठिंबा दर्शविला.
हा कार्यक्रम साईनाथ ऍग्रो व स्मार्ट फार्मर्स सोल्युशन या दोन कृषी केंद्रांवर आयोजित करण्यात आला होता या कार्यक्रमास सावदा शहराध्यक्ष जितेंद्र किसन भारंबे (जे.के.), माजी नगराध्यक्ष राजेंद्र चौधरी, सरचिटणीस संतोष परदेशी व महेश अकोले, साईनाथ ऍग्रो चे संचालक जगदीश पाटील, स्मार्ट फार्मर सोल्युशन चे संचालक योगेश पाटील सर्व कर्मचारीवृंद परिसरातील सर्व शेतकरी बांधव यासह नागरीक उपस्थित होते.
