चिंताजनक! “मी सरांसोबत लग्नासाठी पळून जात आहे” ७ वी च्या मुलीचे चिठ्ठी ठेऊन पलायन
मंडे टू मंडे वृत्तसंकलन।
नाशिक (निशाद साळवे): अल्पवयीन मुलगी आपल्या खोलीत “मला सर खूप आवडतात मी सरांसोबत लग्न करण्यासाठी पळून जात आहे अश्या आशयाची चिठ्ठी ठेवून घरातून शिक्षकाबरोबर पळून गेल्याची धक्कादायक घटना नाशिक जिल्ह्यात घडली आहे.
याबाबत सविस्तर असे की, निफाडच्या देवपूर येथील मोठ्या कुटुंबातील ही मुलगी कुंदेवाडी येथे सातवीच्या वर्गात शिकत आहे खाजगी शिकवणीसाठी ती इयता २ री पासून शिक्षक पंकज श्याम साळवे या २३ वर्षीय सरांकडे जात होती. दोन दिवसापूर्वी सदरची अल्पवयीन असलेल्या या मुलीने आपल्या हस्त अक्षरात “सर मला खूप आवडतात. मी सरांसोबत लग्न करण्यासाठी पळून जात आहे”,अशी चिठ्ठी लिहून ती घरातून निघून गेली.मुलीने लिहिलेली चिठ्ठी घरात सापडल्यानंतर संपूर्ण कुटुंबाला धक्काच बसला. तातडीने सर्वांनी तिचा सर्वत्र शोध घेण्याचा प्रयत्न केला मात्र ती कुठेच सापडत नसल्याने शिक्षक पंकज साळवे यांच्या घरी कुटुंबीय खात्री करण्यासाठी गेले असता त्यांच्या घराला कुलूप आढळल्याने, मुलीच्या कुटुंबाने तातडीने निफाड पोलिस स्टेशन गाठून मुलीच्या आईने शिक्षकाविरोधात गुन्हा दाखल केला असून शिक्षक साळवे हा एका शाळेत हंगामी शिक्षक म्हणून काम करतोय. तर देवपूर परिसरात दोन-तीन ठिकाणी क्लासेस घेण्याचे काम करतो.
शिक्षका पंकज याने मुलीबरोबर प्रेम संबंध निर्माण करुन मुलीला घेऊन गेला. मुलगी अल्पवयीन असल्याने त्या चिठ्ठीला फारसे महत्व नसल्याचं पोलिस अधिक्षकांच म्हणणे असून सदरच्या शिक्षकाचा निफाड पोलिस सध्या शोध घेत आहे.
